މިނިސްޓަރ އޮފް ފޮރިން އެފެއާޒް މޫސާ ޒަމީރު، ބަޙްރައިންގެ މިނިސްޓަރ އޮފް ޓޫރިޒަމް އަދި ބަޙްރެއިންގެ ޓޫރިޒަމް އެގްޒިބިޝަން އޮތޯރިޓީގެ ޗެއަރ ޕަރސަން ފާތިމާ އަލްޖައްރާފް އަލް ސައިރަފީ އާއި މިއަދު މަނަމާގައި ބައްދަލުކުރައްވައިފިއެވެ.
ބަޙްރައިންގެ މިނިސްޓްރީ އޮފް ޓޫރިޒަމް ގައި ބޭއްވެވި މި ބައްދަލުކުރެއްވުމުގައި، ދިވެހިރާއްޖެއާއި ބަޙްރައިންއާ ދެޤައުމުގެ ދެމެދު ޓޫރިޒަމްގެ ދާއިރާއިން ގުޅުން ބަދަހިކުރުމާ ގުޅޭގޮތުން ދެވަޒީރުން މަޝްވަރާ ކުރެއްވިއެވެ. އަދި ޚާރިޖީ ވަޒީރު ޒަމީރުގެ ވާހަކަފުޅުގައި ރާއްޖޭގެ މިހާރުގެ ޓޫރިޒަމްގެ ދާއިރާ އިން ލިބިފައިވާ ކުރިއެރުންތަކަށް އަލިއަޅުއްވާލައްވައި ރާޢްޖޭގެ އިންވެސްޓް ކުރަންހުރި ފުރުޞަތުތަކާ ގުޅޭގޮތުން ދެ މިނިސްޓަރުން މަޝްވަރާކުރެއްވިއެވެ.
މި ބައްދަލުކުރެއްވުމުގައި މިނިސްޓަރ ޒަމީރުގެ އަރިހުގައި އެމްބެސެޑަރ އެޓް ލާޖް، އަޙްމަދު ނަސީރު، ސެކްރެޓަރީ، ބައިލެޓަރަލް، ޑޮކްޓަރ ހާލާ ޙަމީދު، ޖޮއިންޓް ސެކްރެޓަރީ، މަރްޔަމް ރީޝާ އަދި އެސިސްޓެންޓް ޑިރެކްޓަރ، މިޒްނާ ވަޙީދު ބައިވެރިވެވަޑައިގެންނެވިއެވެ.