ކިރިބަސްގެ މިނިވަން ދުވަހުގެ މުނާސަބަތުގައި އެޤައުމުގެ ރައީސް، ހެޑް އޮފް ސްޓޭޓް އަދި ޚާރިޖީ ވަޒީރު، ޓަނެޓީ މާމާއު އަށް ދިވެހިރާއްޖޭގެ ޚާރިޖީ ވަޒީރު، މޫސާ ޒަމީރު ތަހުނިޔާގެ މެސެޖެއް ފޮނުއްވައިފި އެވެ

މިނިސްޓަރުގެ މެސެޖު ތިރީގައި މިވަނީއެވެ

ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި އަޅުގަނޑުގެ އަމިއްލަ ނަމުގައި، ކިރިބަސްގެ  މިނިވަން ދުވަހުގެ މުނާސަބަތުގައި ތަހުނިޔާ އާއި އިޚްލާޞްތެރި ހެޔޮއެދުންތައް، މަނިކުފާނާއި ކިރިބަސް ސަރުކާރަށް އަދި އެންމެހާ ރައްޔިތުންނަށް ފޮނުވުމަކީ އަޅުގަނޑަށް ލިބޭ ވަރަށް ބޮޑު އުފަލެކެވެ

ދިވެހިރާއްޖެއާއި ކިރިބަސްއަކީ ސްމޯލް އައިލެންޑް ޑިވެލޮޕިންގ ސްޓޭޓްސް ގެ ދެ ޤައުމުކަމުގައިވާތީ، ދެގައު ދެމެދުގައި އޮންނަ ގާތް  ރަހުމަތްތެރިކަމާއި އެއްބާރުލުން އިތުރަށް ބަދަހިވެގެންދާނެ ކަމަށް އަޅުގަނޑު އުއްމީދުކުރަމެވެ

މަނިކުފާނަށް ދުޅަހެޔޮ ސިއްޙަތާއި ކިރިބަސްގެ ރައްޔިތުންނަށް ސުލްހައާއި ތަނަވަސްކަން ލިބުމަށް އަޅުގަނޑު އެދެމެވެ

އަދި، މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް، މި ފުރުސަތުގެ ބޭނުންކުރީމެވެ

ނިމުނީ

ސާއޮ ޓޯމޭ އެންޑް ޕްރިންސިޕޭގެ މިނިވަން ދުވަހުގެ މުނާސަބަތުގައި އެ ޤައުމުގެ ޚާރިޖީ ވަޒީރު، ގެރެތު ހަދަދް ދޮ އެސްޕިރީޓޯ ސަންތޯ ގުއަޑަލޫޕޭއަށް ދިވެހިރާއްޖޭގެ ޚާރިޖީ ވަޒީރު، މޫސާ ޒަމީރު ތަޙުނިޔާގެ މެސެޖެއް ފޮނުއްވައިފިއެވެ

މިނިސްޓަރުގެ މެސެޖު ތިރީގައި އެވަނީއެވެ

ސާއޮ ޓޯމޭ އެންޑް ޕްރިންސިޕޭގެ މިނިވަން ދުވަހުގެ އުފާވެރި މުނާސަބަތުގައި މަނިކުފާނަށާއި ސާއޮ ޓޯމޭ އެންޑް ޕްރިންސިޕޭގެ ސަރުކާރަށް އަދި ރައްޔިތުންނަށް ތަހުނިޔާ އާއި އިޚުލާޞްތެރި ހެޔޮއެދުންތައް އަރިސްކުރުމަކީ އަޅުގަނޑަށް ލިބޭ ވަރަށް ބޮޑު އުފަލެކެވެ

މިފުރުޞަތުގައި، ދިވެހިރާއްޖެއާއި ސާއޮ ޓޯމޭ އެންޑް ޕްރިންސިޕޭއާ ދެމެދު އޮންނަ ގުޅުން އިތުރަށް ބަދަހިކުރުމަށް ދިވެހި ސަރުކާރުން މަސައްކަތް ކުރަމުންގެންދާނޭކަމުގެ ޔަޤީންކަން އަރުވަމެވެ

މަނިކުފާނަށް ދުޅަހެޔޮ ޞިއްޙަތާއި ސާއޮ ޓޯމޭ އެންޑް ޕްރިންސިޕޭގެ ރައްޔިތުންނަށް އިތުރު ކުރިއެރުމާއި ފާގަތިކަން ލިބުމަށް އަޅުގަނޑު އެދެމެވެ

އަޅުގަނޑު މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މި ފުރުޞަތުގެ ބޭނުންކުރީމެވެ

‎ ދިވެހިރާއްޖެއާއި ފިލިޕީންސް އާ ދެމެދު ޤާއިމުކޮށްފައިވާ ސިޔާސީ ގުޅުމަށް 50 އަހަރު ފުރުމުގެ މުނާސަބަތުގައި އެޤައުމުގެ ޚާރިޖީ ވަޒީރު، އެންރީކޭ އޭ. މަނާލޯ އަށް ދިވެހިރާއްޖޭގެ ޚާރިޖީ ވަޒީރު، މޫސާ ޒަމީރު ތަހުނިޔާގެ މެސެޖެއް ފޮނުއްވައިފި 

‎މިނިސްޓަރުގެ މެސެޖު ތިރީގައި މިވަނީއެވެ

ދިވެހިރާއްޖެއާއި ފިލިޕީންސް އާ ދެމެދު ޤާއިމުކޮށްފައިވާ ސިޔާސީ ގުޅުމަށް 50 އަހަރު ފުރުމުގެ އުފާވެރި މުނާސަބަތުގެ ތަހުނިޔާ އާއި ހެޔޮއެދުންތައް، މަނިކުފާނަށާއި ފިލިޕީންސްގެ ސަރުކާރަށް އަދި ފިލިޕީންސްގެ ރައްޔިތުންނަށް އަރިސްކުރުމަކީ އަޅުގަނޑަށް ލިބޭ ވަރަށް ބޮޑު އުފަލެކެވެ

ވޭތުވެ ދިޔަ 50 އަހަރުތެރޭގައި، ދިވެހިރާއްޖެއާއި ފިލިޕީންސްއާއި ދެމެދު އިޙްތިރާމާއި އިތުބާރުގެ މައްޗަށް ބިނާވެފައިވާ އޮތް ގާތް އެކުވެރި ގުޅުމެއް ވަނީ ބަދަހިވެފައެވެ. އަދި ދިވެހިރާއްޖޭގެ ތަރައްޤީގައި ފިލިޕީންސް މަސައްކަތްތެރީންގެ މުހިއްމު ހިއްސާއެއް ފަތުރުވެރިކަމާއި އެހެނިހެން ޚިދުމަތްދޭ ދާއިރާތަކުގައި ފާހަގަކޮށްލެވެއެވެ
  
މިހެންވެ، ދެޤައުމުގެމެދުގައި ބަދަހިވަމުން އޮންނަ ގާތް ރަޚްމަތްތެރިކަމުގެ ގުޅުން އިތުރަށް ހަރުދަނާކުރުމަށްޓަކައި ދެޤައުމުގެ ތަރައްޤީއާ ރައްޔިތުންގެ މަންފާއަށް ފިލިޕީންސް ސަރުކާރާއެކު ގާތުން މަސައްކަތްކުރާނޭ ކަމުގެ ޔަޤީންކަންް އަޅުގަނޑުއަރުވަމެވެ. އަދި މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މިފުރުސަތުގެ ބޭނުންކުރީމެވެ