އިޒްރާއިލުން މިއަދު އީރާނަށް އަމާޒުކޮށް ދިން އަސްކަރީ ހަމަލާތައް ދިވެހި ސަރުކާރުން އެންމެ ހަރުކަށި އިބާރާތުން ކުށްވެރިކުރަމެވެ. މި ހަމަލާތަކަކީ އީރާނުގެ ސިޔާދަތާއި އިސްތިޤުލާލަށް ދިން ޙަމަލާއެއްކަމަށާއި އަދި ބައިނަލްއަޤްވާމީ ޞުލްހައިގެ ޤާނޫނާއި ޚިލާފުކަމެއްކަމުގައި ދެކެމެވެ.
މިފަދަ ޙަމަލާތަކުގެ ސަބަބުން މެދުއިރުމަތީގެ ޤައުމުތަކާއި ރައްޔިތުންގެ ސަލާމަތަށް ނުރައްކާތެރިކަން އިތުރުވަމުންދާތީ، މިފަދަ ޙަމަލާތައް ދިނުން ވަގުތުން ހުއްޓާލުމަށް ދިވެހި ސަރުކާރުން ގޮވާލަމެވެ.
އަދި މިކަމުގައި ޝާމިލްވާ ހުރިހާ ފަރާތްތަކަކުން ވެސް ބައިނަލްއަޤްވާމީ މުޢާހަދާތަކަށް އިހުތިރާމުކުރުމަށާއި ސަރަޙައްދީ ހަމަނުޖެހުން އިތުރުވާފަދަ އަމަލުތައް ނުކުރުމަށް ދިވެހި ސަރުކާރުން އިލްތިމާސްކުރަމެވެ. ހަމައެހެންމެ، ހަމަލާތައް ވަގުތުން ހުއްޓުވުމަށާއި މެދުއިރުމަތީ ސަރަޙައްދުގެ ދެމެހެއްޓެނިވި ޞުލްޙަ މަސަލަސްކަން ޤާއިމުކުރުމަށް އަޅަންޖެހޭ އެންމެހާ ފިޔަވަޅުތައް އެޅުމަށް ދިވެހިރާއްޖެއިން ބައިނަލްއަޤްވާމީ މުޖުތަމަޢަށް ގޮވާލަމެވެ.