Ref: 2025/PR/119
ތިމޯރ-ލެސްތޭގެ މިނިވަން ދުވަހުގެ މުނާސަބަތުގައި އެޤައުމުގެ ޚާރިޖީ ވަޒީރު، ބެންދިތޯ ދޮސް ސަންތޯސް ފްރެއިތަސް އަށް ދިވެހިރާއްޖޭގެ ޚާރިޖީ ވަޒީރު، ޑޮކްޓަރ ޢަބްދުﷲ ޚަލީލް ތަހުނިޔާގެ މެސެޖެއް ފޮނުއްވައިފިއެވެ.
މިނިސްޓަރުގެ މެސެޖު ތިރީގައި މިވަނީއެވެ.
"ދިވެހި ސަރުކާރާއި ދިވެހި ރައްޔިތުންގެ ނަމުގައި، އަދި އަޅުގަނޑުގެ އަމިއްލަ ނަމުގައި، ތިމޯރ-ލެސްތޭގެ މިނިވަން ދުވަހުގެ އުފާވެރި މުނާސަބާގެ ތަހުނިޔާ އާއި ހެޔޮއެދުންތައް މަނިކުފާނަށާއި ތިމޯރް-ލެސްތޭ ސަރުކާރަށާއި ރައްޔިތުންނަށް އަރިސްކުރަމެވެ.
ދިވެހިރާއްޖެއާއި ތިމޯރ-ލެސްތޭ އަކީ ތަރައްޤީވަމުން އަންނަ ކުދި ޖަޒީރާ ދެޤައުމުކަމުން، ދެ ޤައުމުގެ މެދުގައި އޮތް ގާތް އެކުވެރިކަމުގެގުޅުން އިތުރަށް ބަދަހިވެގެންދާނެކަމުގެ ޔަޤީންކަން އަޅުގަނޑަށް އެބައޮތެވެ.
އަޅުގަނޑު މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މި ފުރުސަތުގެ ބޭނުންކުރީމެވެ."
ނިމުނީ.