Ref: 2024/PR/376
ޔުނައިޓަޑް ޢަރަބް އެމިރޭޓްސްގެ ޤައުމީ ދުވަހުގެ މުނާސަބަތުގައި އެ ޤައުމުގެ ބޮޑު ވަޒީރުގެ ނާއިބު އަދި ޚާރިޖީ ވަޒީރު، ޝައިޚް ޢަބްދުالله ބިން ޒައިދު އަލް ނަޙްޔާންއަށް ޚާރިޖީ ވަޒީރު ޑރ. ޢަބްދުﷲ ޚަލީލް ތަހުނިޔާގެ މެސެޖެއް ފޮނުއްވައިފިއެވެ.
މިނިސްޓަރުގެ މެސެޖު ތިރީގައި އެވަނީއެވެ.
"ޔުނައިޓަޑް ޢަރަބް އެމިރޭޓްސްގެ 53 ވަނަ ޤައުމީ ދުވަހުގެ އުފާވެރި މުނާސަބަތުގައި މަނިކުފާނަށާއި ޔޫ.އޭ.އީ.ގެ ސަރުކާރަށް އަދި ރައްޔިތުންނަށް ވަރަށް އިޚްލާޞްތެރިކަމާއެކު ތަހުނިޔާއާއި ހެޔޮއެދުންތައް އަރިސްކުރަމެވެ.
ޔުނައިޓަޑް ޢަރަބް އެމިރޭޓްސް އުފެދިގެން އައި މި މުނާސަބާ ރަމްޒުކޮށްދެނީ ޔޫ.އޭ.އީ.ގެ އިސް ވެރިންގެ ދުރު ވިސްނުމާއި ހިކްމަތްތެރިކަމެވެ. ޤައުމީ ތަރައްޤީއާއި އުފެއްދުންތެރިކަމުން ޔޫ.އޭ.އީ. ހޯދާފައިވާ ކާމިޔާބީތަކުގެ ސަބަބުން ޔޫ.އޭ.އީ.ވަނީ މުޅި ދުނިޔެއަށް ނަމޫނާ ޤައުމަކަށްވެފައިކަން ފާގަހަކުރަމެވެ.
ޔޫ.އޭ.އީ.އާއި ދިވެހިރާއްޖެއާ ދެމެދު ޒަމާނުއްސުރެ ކުރިއަރަމުން އައިސްފައިވާ ގާތް، ރަޙްމަތްތެރިކަމުގެ ގުޅުމަކީ އޭގައި އިޙްތިރާމާއި އިތުބާރު އެކުލެވިގެންވާ އަދި ދިވެހިރާއްޖެއިން އެ ގުޅުމުގެ އަގު ނުހަނު ވަޒަންކުރާ ގުޅުމެކެވެ.
މަނިކުފާނަށް ދުޅަހެޔޮ ޞިއްޙަތާއި ކާމިޔާބީއަށް އަދި ޔޫ.އޭ.އީ. ގެ ރައްޔިތުންނަށް ކުރިއެރުމާއި އުފާފާގަތިކަމަށް އެދެމެވެ.
އަޅުގަނޑު މަނިކުފާނަށް ކުރާ މަތިވެރި ޤަދަރު އާކޮށް، އެކަން ޔަޤީންކޮށް އެރުވުމަށް މި ފުރުޞަތުގެ ބޭނުންކުރީމެވެ."